Алжирде орман өрті өршіп тұр. Әсіресе елдің солтүстігіндегі Блида қаласында жағдай қиын.
Бұл аймақта 20 үй отқа оранған. Қазір құтқарушылар тұрғындарды эвакуациялап жатыр. Шарпыған жалынды тоқтатуға 8 әскери ұшақ жұмылдырылған. Мамандар қатты жел мен 35 градустан жоғары аптап ыстық жағдайды одан әрі қиындатып отыр дейді. Айта кетейік, Алжирдегі тілсіз жаумен күрес тамыздың 18-нен бері жалғасуда.
