Астана-Нячанг бағытында ұшып шыққан VietJet Air жолаушылар ұшағы 24 тамызда Астанаға қайта оралды, — деп хабарлайды Massaget.kz тілшісі.
Flightradar деректеріне сүйенсек, әуежайға қайтпас бұрын ұшақ Қарағандының үстінде айналып жүрген. Бұл жағдайға Астана әуежайының баспасөз қызметі пікір білдірді.
"Экипаж командирі авиациялық ережелерге сәйкес және жолаушылар мен экипаждың қауіпсіздігі үшін әуе кемесін аэродромға қайтару туралы шешім қабылдады", – деп түсіндірді әуежайдың баспасөз қызметі өкілі.
Баспасөз қызметі ұшақ бортында 348 жолаушы болғанын нақтылады.
Шетелдік БАҚ мәліметінше, Вьетнам билігі орталық провинцияларда жарты миллионнан аса адамды эвакуациялау жоспарын жариялаған, сондай-ақ, күшейіп келе жатқан "Кадзики" тайфунын күту үшін кемелерге порттарда қалуды бұйырған. Тайфун дүйсенбіде таңертең жағалауға жетеді деп болжанып отыр.
Vietnam plans mass evacuation, China’s Sanya shuts as Typhoon Kajiki intensifies https://t.co/H6CnOan7DL
— CNBC International (@CNBCi) August 24, 2025
Өзекті жаңалықтарды өз уақытында оқу үшін Facebook парақшамызға жазылыңыз!
