Биыл Жамбыл облысындағы Байзақ ауданында әлеуметтік осал топтағы жандарға 40 пәтер беріледі, деп хабарлайды 24kz.
Осы мақсатта сәуір айында Сарыкемер ауылында баспана құрылысы басталған. Оған республикалық және жергілікті бюджеттен 684 миллион теңге бөлінді. Аймаққа жұмыс сапарымен барған Сенат депутаттары Бекболат Орынбеков пен Сәкен Арубаев сол салынған пәтерлерді аралап көрді. Одан соң сенаторлар Үлгілі орта мектебінің қазандығы мен Сарыкемер ауылындағы ветеринариялық пункт, «Дихан» тірек мектебіндегі күрделі жөндеу жұмыстарымен танысты. Депутаттар сапа талаптарын сақтап, мердігерлерге мерзімін кешіктірмеуді ескертті.
