Елордада « Otbasy Fest» отбасылық фестивалі өтті.
Іс-шараны «Бәйтерек» холдингінің еншілес ұйымы саналатын Отбасы Банк Акционерлік қоғамы қала әкімдігінің қолдауымен және жетекші құрылыс компанияларымен бірлесіп ұйымдастырды.
Табиғаттың тосын сыйы жауын-шашынға қарамастан ЭКСПО алаңына мыңнан астам адам жиналды. Келушілер қаржылық кеңес алды. Пәтер таңдап, бірден брондау мүмкіндігіне де ие болды. Қонақтарды "Бәйтерек" холдингінің және құрылыс компанияларының басшылары, сондай-ақ "Отбасы банк" басқарма төрағасы Ләззат Ибрагимова қарсы алды. Фестиваль аясында "Наурыз" бағдарламасы арқылы баспана алған азаматтарға пәтер кілттері табысталды.
Лида Қабдалбайқызы, «Отбасы банк» АҚ салымшысы:
- "Отбасы банкінен" Наурыз бағдарламасы бойынша баспаналы болдым. Біріншіден, Аллаға мың да бір шүкір. Екіншіден, осы Отбасы банкке рақметімді айтамын.
"Наурыз" бағдарламасына әлеуметтік осал топтар, тұрғын үй кезегінде тұрғандар, жұмыс істейтін жастар, жас отбасылар, соңғы 5 жыл ішінде атында үйі болмағандар қатыса алады. Бастапқы жарна 10-нан 20%-ға дейін. Несиенің ең жоғарғы сомасы Астана мен Алматы тұрғындары үшін 36 млн теңге, ал басқа өңірлерде 30 млн теңге. Пайыздық мөлшерлеме 7-ден 9%-ға дейін.
Жанар Ізімбетова, «Отбасы банк» АҚ орталық филиалының директоры:
- Күн сайын 65-70 несие беріп жатырмыз Астана қаласы бойынша. Ол 50/50, "Жасыл ипотека". "Наурыз" бағдарламасы биыл наурыз айында басталды. Әр қазақстандық осы конкурсқа қатысты. Солардың ішінде 12 мың адам конкурстан өтті. Солардың ішінде 4500-і кезекте тұрған азаматтар. Әр қазақстандық Отбасы банкімен баспаналы болсын.
Фестивальде қала тұрғындары мен қонақтарына концерттік және ойын-сауық бағдарламалары ұсынылды. Квиз сауалдары арқылы бағалы сыйлықтар ойнатылды. Тұрғын үй алуға арналған мемлекеттік және банктің басқа да ипотекалық бағдарламалары туралы кеңестер берілді. Ал сахнада Elaman, Demi, Мәди Қадырұлы және Qanay сияқты танымал әртістер өнер көрсетті.
Мирлан Алтынбек, Жандос Битабаров, Жанаман Ерғалиев
