Қазақстанға Өзбекстан Олий Мәжілісі Сенатының төрағасы Танзила Нарбаева ресми сапармен келді, деп жазады Egemen.kz.
Құрметті мейманды әуежайда Парламент Сенаты төрағасының орынбасары Ольга Перепечина қарсы алды.
Сапар барысында екі ел парламенттері арасындағы ынтымақтастықты одан әрі нығайту мәселелері талқыланбақ. Сонымен қатар Қазақстан Республикасы Парламенті Сенаты мен Өзбекстан Республикасы Олий Мәжілісі Сенаты арасындағы 2025-2026 жылдарға арналған ынтымақтастықты дамытудың жол картасына қол қою жоспарланып отыр.
Аталған құжат парламентаралық байланыстарды жүйелі түрде дамытып, заң шығару тәжірибесімен алмасуға және екіжақты серіктестікті жаңа деңгейге көтеруге бағытталмақ.
