Кремль Аляскадағы Трамп пен Путин келіссөздерінің жай-жапсарын мәлімдеді.
Кездесу Анкоридж қаласындағы Элмендорф-Ричардсон әскери базасында өтеді. Ол Астана уақытымен түнгі бірде басталады. Алдымен мемлекет басшылары жеке сөйлеседі. Кейін екі ел делегацияларының қатысуымен келіссөздер басталады. Ресей тарапынан Юрий Ушаков, Сергей Лавров, Андрей Белоусов, Антон Силуанов және Кирилл Дмитриев қатысады. Ал АҚШ делегациясының нақты құрамы әзірге белгісіз. Кездесу аяқталғаннан кейін Трамп пен Путин ортақ баспасөз жиынын өткізбек.
