Тайваньның оңтүстігінде алапат дауыл соғып, 5 мыңнан аса адам шұғыл эвакуацияланды, деп хабарлайды 24kz.
Сағатына 190 шақырым жылдамдықпен ұйытқыған дүлей жел біраз елді мекенді ойрандап кетті. Әсіресе, аралдың оңтүстігі қатты зардап шекті. Үйлердің шатырларын ұшырып, ағаштар мен электр бағаналарын құлатып, едәуір шығын келген. Дауылмен бірге жауын селдетіп, кей елді мекенді су басып жатыр. Қолайсыз ауа райынан мектептер уақытша жабылды. Әуе рейстері кейінге шегерілді.
