Магистратураға білім гранттарын тағайындау конкурсына қатысу үшін құжат қабылдау басталды, — деп хабарлайды Massaget.kz тілшісі .
Ол 18 тамызға дейін (қоса алғанда) жоғары оқу орындарының қабылдау комиссиялары, оның ішінде виртуалды қабылдау комиссиялары арқылы жүзеге асырылады.
Ғылым және жоғары білім министрлігі мәліметінше, 49 мыңға жуық адам магистратураға түсу үшін емтихан тапсырған. Ғылыми-педагогикалық бағыт бойынша 50%-ы, бейінді бағыт бойынша 21%-ы шекті балл жинаған. Олар грант конкурсына қатыса алады.
Конкурсқа қатысу үшін қандай құжат тапсыру қажет?
- жеке куәліктің көшірмесі;
- жоғары білімі туралы құжат (диплом және қосымшасы);
- КТ сертификаты және шет тілін меңгергенін растайтын халықаралық сертификаттар (бар болған жағдайда).
Құжаттарды тапсыру кезінде талапкер білім беру бағдарламаларының бір тобын және үш жоғары оқу орнын көрсете алады.
Магистратура бойынша грант иегерлерінің тізімі 25 тамызға дейін жарияланады. Ал оқуға құжат қабылдау 28 тамызда аяқталады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
