Қазақстанда көпбалалы отбасыларға жәрдемақы беріледі. Оның көлемі бала санына қарай есептеледі
Бұл туралы Caravan.kz медиа порталы baq.kz-ке сілтеме жасап хабарлайды.
Еңбек және халықты әлеуметтік қорғау министрлігі жәрдемақы қалай есептелетінін түсіндірді.
Қазақстанда көпбалалы отбасыларға әлеуметтік қолдау көрсету мақсатында олардың табысына қарамастан республикалық бюджет есебінен мемлекеттік жәрдемақы төленеді. Оған бірге тұратын 4 немесе одан да көп кәмелетке толмаған балалары немесе 23 жасқа толмаған күндізгі бөлімде оқитын студенттері бар отбасылар өтініш бере алады.
Жәрдемақы мөлшері балалардың санына қарай 4 балаға 16 ең төменгі айлық есептік көрсеткіштен 7 балаға 28 айлық есептік көрсеткішке дейін сараланады.
Отбасында 8 және одан да көп бала болса, әр балаға 4 айлық есептік көрсеткіш төленеді.
Төлем мөлшері бала санына қарай есептеліп төленеді және 2025 жылы:
— 4 баласы бар отбасыларға – 16,03 АЕК немесе 63 030 теңге;
— 5 балаға – 20,04 АЕК немесе 78 798 теңге;
— 6 балаға – 24,05 АЕК немесе 94 565 теңге;
— 7 балаға – 28,06 АЕК немесе 110 332 теңге;
— 8 және одан да көп баласы бар отбасыларға – әр балаға 4 АЕК немесе
15 728 теңге мөлшерінде төленді.
Сондай-ақ “Күміс алқа” алқасымен марапатталған көпбалалы аналар бюджет есебінен ай айын 6,4 айлық есептік көрсеткіш көлемінде жәрдемақы алады. Ол шамамен 25 165 теңге.
“Алтын алқа” алқасымен марапатталған немесе бұрын “Батыр ана” атағын алған, I және II дәрежелі “Ана даңқы” орденімен марапатталған аналар үшін жәрдемақы көлемі 7,4 айлық есептік көрсеткіш. Ол 29 097 теңге.
