Шымкентте ең үлкен гамбургер дайындалды.
Мегаполисте көше тағамдарының фестивалі ұйымдастырылды. Қоғамдық тамақтану орындарының аспаздары сайысқа түсіп, жылдам дайындалатын тағам түрлерін таныстырды.
Қаладағы «Арбат» алаңы нағыз гастрономиялық мерекеге айналдды. Аспаздар көше тағамдарын даярлап, шеберлігін бөлісті. Қолжетімді бағада ұсынылған ерекше дәмдер көпшіліктің көңілінен шықты.
Дина Әбілханова, қала тұрғыны:
- Өте қуаныштымыз. Біздің Шымкент қаламызда жазғы күндері осындай мерекелік іс-шаралардың өтіп жатқанына. Адамдар кәдімгідей жиналып қалған. Сатып алып жатыр. Қызығып, қуанып жүр.
Фестиваль аясында ең үлкен гамбургер дайындалды. Салмағы 67 келі тартатын фастфуд Гинесс рекордтар кітабына ресми түрде тіркелді.
Қаһарман Әбдірайымов, аспаз:
- Оның құрамына кіреді 65 дана 500 грамдық катлет кіреді. Фирменный соустарымыз. Булочкасын да арнайы әзірледік. Бұлардың бәрін 12 повар дайындады. Бұл жерде тек көліміне ғана мән бермей, сапасына дәміне де мән бердік.
Фестивальге креативті индустрия өкілдері де белсене қатысты. Қолөнер шеберлерінің көрмесі ұсынылып, көше билерінен сайыс ұйымдастырылды. Акробатикалық қойылымдар мен концерттік бағдарлама көрерменге ерекше әсер сыйла.
Ерлан Омаров, қалалық визит орталығының директоры:
- Бұл фестиваль аясында 3 номинациялық конкурс ойнатамыз. «Ең дәмді бургер», «Ең дәмді жазғы сусын» және «Ең дәмді балмұздақ». Арнайы комиссия мүшелері бар. Олар анықтап, бағалы сыйлықтар береді.
Ұйымдастырушылар мәліметінше, былтыр мегаполиске 500 мыңнан астам турист келген. Оның 35 мыңы шетелдік. Олар тарихи, мәдени және экологиялық бағыттағы турларға қызығушылық танытқан.
Нұрсұлтан Мұхамеджан, Нұрмахан Бекмұратов, Самат Нағашбекұлы
