Құтқарушы – тек апат аумағында емес, рингте де шегінбейтін сарбаз. Алматыда Төтенше жағдайлар министрінің кубогына арналған қоян-қолтық ұрыстан ІІ республикалық турнир мәресіне жетті.
Додаға еліміздің 24 өңірінен 226 спортшы жиналды. Барлығы Төтенше жағдайлар департаменттері мен әскери бөлімдерде жауынгерлік дайындықтан өткен кәсіби мамандар. Ерлер сегіз, ал әйелдер алты салмақ дәрежесінде бақ сынады. Жалпыкомандалық есепте Алматы қаласының Төтенше жағдайлар департаменті топ жарды. Күміс жүлде Абай облысында. Үшінші орын Ақмола құрамасының еншісінде.
Әділ Қайырбаев, клубтың атқарушы директоры:
- Кубогымыз екінші рет өтіп жатыр. Былтырдан бастап біздің министрдің қолдауымен «BATYR TEAM» клубы құрылды. Бізге 1 жыл толып отыр және осы Қазақстан Төтенше жағдайлар министрлігінің 30 жылдығына орай осындай үлкен шара өткізіп жатырмыз. Құрылымдары арасындағы ТЖМ спортшыларын дамыту үшін осындай шара өткізіп жатырмыз. Салауатты өмір, салауатты бұқаралық спортты насихаттап жатырмыз.
