Газа секторында ХАМАС-қа қарсы қарулы топ құрылды.
"Халық күші" деп аталатын қозғалыстың жетекшісі — 30 жастағы Ясир Әбу Шабаб. Бұған дейін ХАМАС түрмесінде отырған. Израиль әскери операция бастағанда босап шыққан. Араб тіліндегі "Макан" радиосына сұхбат берген ол: "жасақтың 300-дей адамнан тұратынын" мәлімдеді. Бірақ бұл әскери ұйым емес, еріктілер қозғалысы — дейді ол. Сөз арасында кей әрекеттерін Израильмен келісіп іске асыратынын айтты. Сарапшылар екі жақтың текетіресі азаматтық соғысқа ұласуынан қауіптеніп отыр. Ал газалықтардың бірі "Халық күші" қозғалысының әрекетін сатқындыққа теңесе, енді бірі "оларды ХАМАС-тан құтқарушыға" теліп отыр.
