Мысыр астанасы Каирдегі Telecom Egypt телекоммуникация компаниясының бас кеңсесінде өрт шығып, жараланғандар саны 39 адамға жетті.
Олардың көбіне иіс тиген. Төтенше оқиғаға байланысты ұялы байланыс пен интернет таратуда кедергі туындап, елдің бірнеше әуежайында ұшақтардың сапары кейінге шегерілді. Сондай-ақ банкоматтар істен шығып, интернет төлем тоқтап қалған. Алдын ала ақпарат бойынша 10 қабатты ғимараттағы өрт қысқа тұйықталу салдарынан тұтануы мүмкін. Тергеу амалдары жүріп жатыр.
