Шығыс Қазақстан өңірінің орталығында еліміздің түсті металлургиясының көшбасшысы – «Қазцинк» орналасқан. Осынау күрделі процестің, қыж-қыж қайнаған жұмыстың бел ортасында металл балқытушылар жүр. Бұл кәсіп тиянақтылықты, техникалық шеберлік пен төзімді талап етеді. Күн сайын еңбек адамдары құрылысқа, машина жасау ісіне және энергетика саласына қажет өнім шығару үшін тынымсыз жұмыс істейді. «Қазцинк» – ірі өндіруші ғана емес, ұрпақтар сабақтастығын сақтаған, мамандардың шеберлігін шыңдаған компания.
