Қайтарылған заңсыз активтердің есебінен Қостанай облысында 9 әлеуметтік жоба жүзеге асырылып жатыр, деп хабарлайды 24KZ. Оның сегізі елді мекендерді ауызсумен қамтуға, біреуі медициналық мекемені қайта жаңғыртуға арналған.
Қайтарылған заңсыз активтер қаржы түрінде арнаулы мемлекеттік қорда жинақталады. Оны республикалық бюджеттік комиссия тек әлеуметтік мақсатқа бағыттайды. Бүгінде еліміз бойынша тұрғын үй-коммуналдық шаруашылығы, денсаулық сақтау, білім және спорт саласына қатысты 333 жоба комиссия тарапынан қолдау тапқан. Оның қалай іске асатындығы, қаражаттың жұмсалуы, прокуратураның бақылауында болады.
Ахмат Мүкібаев, облыстық прокуратураның басқарма бастығының орынбасары:
- Қостанай облысында прокуратура қайтарған активтер есебінен осы жылдың соңына дейін 9 елді мекенде сумен жабдықтау желісінің құрылысын аяқтау жоспарланып отыр. 279 шақырым су құбыры пайдалануға беріледі. Жалпы саны 55 мың тұрғын сапалы ауызсумен қамтылады. Сондай-ақ Жітіқара ауданында емхана ғимараты қайта жаңартылады.
