Былтыр көктемде әскерге шақырылып, отан алдындағы борышын өтеген жас сарбазрдар енді жоғары оқу орындарында тегін білім алады, деп хабарлайды 24kz.
Мерзімді қызметте болған 2314 сарбазға оқу гранттары берілді. Мемлекеттік сертификаттар Қорғаныс министрлігінде салтанатты түрде табысталды. Оның ішінде еліміздегі жоғары оқу орындарына 2010 грант, Қорғаныс министрлігінің жоғары оқу орындарына 253 орын, Ұлттық ұлан академиясына 36 орын, Ұлттық қауіпсіздік комитеті шекара академиясына 12 орын және Төтенше жағдайлар министрлігінің оқу орнына 3 орын бөлінді. Мерзімді әскери қызметтегілерге оқу гранттарын беру екі жыл бұрын басталған. Бірақ ол кезде оқу сертификаттарын жоғары оқу орындары бөлді. Ал енді мерзімді қызметке шақырылған әскерилер мемлекет бөлген гранттарды ала алады. Жалпы бөлінген гранттардың 2,5% әскери салаға беріледі.
Айберген Өміржан, Мемлекеттік оқу грантының иегері:
- Әскерде жүріп грантқа түсуге болады деп естіген кезде мен қуандым. Оған әрекет еттім, өзімнің қабілеттерімді көрсеттім. Іріктеу болды және әскерде жүріп ҰБТ тапсырдық. Сол ҰБТ-дан жақсы бал жинап, әрі қарай грант алғанымды естігенде қуандым. Мен Өскемен қаласында әскери қызметте болдым. Қарағанды қаласына оқуға түсіп жатырмын.
Мұрат Олжабаев, ҚР Қорғаныс министрлігі білім және ғылым департаментінің бастығы:
- Бірінші келгеннен бастап мысалға, қазіргі 2025 келген әскери қызметкерлер тізімге алған күннен бастап қызмет атқарады. Жауынгерлік кезекшілікке түседі, әскери дайындықтан өтеді. Басқа да борыштарын атқарып жүргенде оның бәрі бағаланады. Соңында тест тапсырады. Таңдаған мамандығы бойынша 2 пәннен тапсырып, компьютердің өзі кім қандай деңгейде, рейтинг бойынша қалай тапсырды соның бәрін бағалап, соңында шығарады. Қай әскери қызметкер қандай грант ұтып алғанын.
