Талғарда кісі қолынан қаза тапқан ер адам жер қойнына тапсырылды, — деп хабарлайды Massaget.kz тілшісі.
27 жастағы марқұм бүгін жерленді. Оның артында үш баласы қалды. Марқұмды туыстары, Қызылқайрат ауылының тұрғындары ақтық сапарға шығарып салды.
Марқұмның әйелі қайғылы оқиға болған күні күйеуі оған қоңырау шалғанын айтты.
"Ол әпкесін қорғауға тырысты. Күдіктімен қақтығыс кезінде оқ тиді", — деді әйел.
Еске салайық, 6 қыркүйекте Талғарда жантүршігерлік оқиға болды. Ер адам кішкентай қызды ұрлап, оның нағашысын атып кетті. Көп ұзамай арнайы жасақ баланы құтқарып, анасымен қауыштырды, ал күдікті ұсталды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
