Петропавлдық ғалымдар ағын суларды тазарту мен көміртексіздендірудің тың тәсілін ойлап тапты.
Олар «Хлорелла» деп аталатын балдырларды өсіріп, кәріз және өндірістік қалдықтарға жібереді. Бұл қоршаған ортаға тарайтын улы газдарды азайтып, оттегі мөлшеріне оң ықпалын тигізеді. Кәсіпорында жылына 600 тонна балдыр шығарылады. Еліміздің Экология және табиғи ресурстар министрлігі тарапынан қолдау тапқан жоба БҰҰ-ның жаһандық таза технологиялар иновациялық бағдарламасында жүлделі орын алды. Енді ғалымдар оны табыс көзіне айналдыруды жоспарлап отыр.
Александр Рейбандт, ғылыми-технологиялық орталықтың директоры:
- Бір көміртек бір еуро тұрады. Мысалы, Петропавлдан 52 мың еуро табыс табуға болады. Біздің технологияға салынған қаржы кемі 5 жылдың ішінде өтеледі. Дәл осындай жобалар Қостанай мен Шымкент қалаларында да іске қосылды.
