Шымкентте сумен жабдықтау компаниясы заңды өрескел бұзған, деп хабарлайды 24KZ. «Су ресурстары – Маркетинг» жауапкершілігі шектеулі серіктестігіне жүргізілген тексеріс нәтижесін осындай болды.
Мемлекеттік кірістер департаментінің хабарлауынша, күмәнді қаржылық операциялар мен негізсіз шығындар, сондай-ақ су саласын дұрыс басқармау секілді бірқатар бұзушылыққа жол берілген. Осылайша 20 жылдан астам жекенің иелігінде болған кәсіпорын толықтай мемлекет меншігіне қайтарылды. Аймақ әкімдігі алдағы уақытта су тарифі 30% арзандауы мүмкін екенін айтады.
Ернар Тайжан, ҚР Қаржылық мониторинг агенттігінің ресми өкілі:
- Қаржылық мониторинг агенттінің Шымкент қаласы бойынша департаменті жүргізген қаржылық талдау нәтижесіне сәйкес компанияда серіктес құрылымдармен байланысты күмәнді қаржылық операциялармен қатар шығын белгілері анықталды. 2025 жылы 27 наурызда Шымкент қаласының мамандандырылған ауданаралық соты сумен жабдықтау және су нысандарын жекешелендіру, жарамсыз деп тану және оларды бастапқы жағдайына келтіріп, мемлекет меншігіне қайтару туралы шешім шығарды.
