Қазақстан күнбағыс майын экспорттаушылар арасында алғашқы он елдің қатарына кіреді.
Отандық шаруалардың ендігі мақсаты — үздік үштікке қосылу. Бұл туралы Алматыда өткен «Қазақстанның жаңа экспорттық күші: күнбағыс майы» атты конференцияда айтылды. Бұл елде қарқынды дамып келе жатқан, соңғы жылдары сұраныс артқан саланың бірі. Сондықтан диқандар биыл егіс алқабын 1,5 миллион гектарға ұлғайтуды жоспарлап отыр. Осылайша бірнеше жылдың ішінде майлы дақыл себілетін алқапты 4 миллион гектарға жеткізу көзделген. Жоспар ойдағыдай орындалса, жылына 2 миллиард долларға дейін пайда табуға болады. Мемлекеттің қолдауы да маңызды.
Бағлан Бекбауов, ҚР Ауыл шаруашылығы министрінің орынбасары:
- Жаңағы тыңайтқыштар бойынша дизельдік отындар одан бөлек субсидиялар әрі қарай өндірімге өткізген кезде оған алатын субсидиясы бар өндіруші жаңағы өзіміздің зауыттардың алған кредит пайыздарын субсидиялық пайызбен қайтару және инвестсубсидия ретінде оған шыққан шығынның 25 пайызын өкімет субсидия ретінде қайтарып жатыр.
