«World of Card Games» журналының жаңа зерттеуі халықтың орташа IQ көрсеткішін және Нобель сыйлығына үміткерлер санын есептей отырып, әлемдегі ең ақылды елдердің рейтингін жасады. Нәтижесінде, көш басына Швейцария шықты.
Альпі елі 100 балдың 92,02-сін жинаған. Зерттеуде Швейцарияда Нобель сыйлығына 1099 үміткер бар екені, ал халықтың орташа IQ көрсеткіші 99,24 екені көрсетілген. Тағы бір қызық дерек, ересектердің 40,02%-ы кем дегенде бакалавр дәрежесіне ие (рейтингтегі ең жоғары көрсеткіш), ал халықтың 18,05%-ы магистр немесе одан жоғары деңгейде білім алған.
