Мемлекет басшысы Астана халықаралық форумының пленарлық отырысында cөз сөйледі , — деп хабарлайды Massaget.kz тілшісі.
"Біз адам капиталына инвестиция салып, жас мамандардың қалыптасуына жағдай жасаймыз. Ең басты міндетіміз – аймақтар арасындағы алшақтықты азайту және орта тапты нығайту. Сол себепті цифрлық технология мен жасанды интеллектіден бастап жасыл энергетика мен қосымша құны жоғары өндіріске дейінгі негізгі секторлардағы әлеуетімізді күшейте береміз. Біз цифрлық трансформацияда елеулі табысқа қол жеткіздік", — деді Тоқаев.
Президенттің пікірінше, қазіргі мақсатымыз – Еуразиядағы жетекші IT хабқа айналу.
"Әсіресе, жасанды интеллектіні дамытуға айрықша мән беріп отырмыз. Бірқатар шетелдік университеттің филиалы бар, зерттеу мен әзірлеу саласындағы серіктестік жолға қойылған академиялық және инновациялық хабқа айналғымыз келеді. Қазақстан ең қуатты суперкомпьютерді іске қосуға кірісті. Қазірдің өзінде бұл жұмыс басталып кетті", — деді Мемлекет басшысы.
Еске салайық, бұған дейін "Ұлттық ақпараттық технологиялар" АҚ басқарма төрағасы Ростислав Коняшкин суперкомпьютер қандай болатынын, ол не үшін керек екенін қарапайым тілде түсіндірді.
Өзекті жаңалықтарды өз уақытында оқу үшін Facebook парақшамызға жазылыңыз!
