Мемлекет басшысы Қасым-Жомарт Тоқаев Германия Бундесратының Президенті Анке Релингермен кездесті.
Басқосуда Германияны Қазақстанның Еуропа Одағындағы негізгі стратегиялық серіктесі ретінде атап, бұл ел экономикамыздың жетекші инвесторының бірі саналатынын айтты. Сондай-ақ еліміздің экономикалық саясатының басым бағыттары жайында әңгімелеп берді. Соңғы жылдары ауқымды саяси реформалар жүргізілгенін де атап өтті. Өз кезегінде Анке Релингер кездесуге мүмкіндік жасағаны үшін Қасым-Жомарт Тоқаевқа алғыс айтып, екі ел игілігі жолында ортақ мақсаттарды ілгерілетуге дайын екенін жеткізді. Кездесуде екі мемлекет арасындағы сауда-экономикалық, инвестициялық және мәдени-гуманитарлық ынтымақтастықты нығайту мәселелері талқыланды.
