Астанада вандализм дерегі тіркелді, — деп хабарлайды Massaget.kz тілшісі .
Абылай хан көшесіндегі тұрғын үйдің маңында орналасқан полиция бекетінің терезесін сындырған 51 жастағы адам ұсталған. Тексеріс барысында ол терезені әдейі сындырғаны белгілі болды.
"Ер адам қамауға алынды. Ол ҚР ӘҚБтК-нің 147-1-бабы 1-бөлігі бойынша әкімшілік жауапкершілікке тартылды. Іс материалдары Астана қаласының мамандандырылған ауданаралық әкімшілік сотына жолданды", — деді ІІМ өкілі.
Айта кетейік, жыл басынан бері елордада вандализм дерегі бойынша 230-ға жуық құқықбұзушылық анықталған.
Өзекті жаңалықтарды өз уақытында оқу үшін Facebook парақшамызға жазылыңыз!
