БҚО-да бүгін таңертең екі қабатты дәмхана және оған жапсарлас салынған дүкен шатыры өртенді, — деп хабарлайды Massaget.kz тілшісі.
Оқиға Бәйтерек ауданы Достық ауылында болған.
ТЖД өрт ошағын анықтап, оның ықтимал таралу жолдарын есептеп, лафет оқпандары арқылы ғимараттың бірінші қабатына және дүкеннің ішкі орын-жайына жалынның таралуына жол бермеді.
Өрттің жалпы ауданы 450 шаршы метр болды. Зардап шеккендер жоқ.
ТЖМ қоғамдық тамақтану орындары автомат өрт дабылымен, ескерту жүйесімен, эвакуацияны басқарумен және алғашқы өрт сөндіру құралдарымен жабдықталуға тиіс екенін еске салды.
Өзекті жаңалықтарды өз уақытында оқу үшін Facebook парақшамызға жазылыңыз!
