Ішкі істер министрлігі Ресейдегі трансұлттық интернет алаяқтар желісін әшкереледі, — деп хабарлайды Massaget .kz тілшісі.
Ресейдің үш өңірінде интернет алаяқтардың жолы кесілді. Олар Қазақстан мен ТМД елдерінің азаматтарына қатысты заңға қайшы әрекеттер жасау үшін sim карталарды жеткізу және қосу арнасын ұйымдастырған.
Арнайы операция нәтижесінде күдіктілерден 11 sim box құрылғысы, 3 ноутбук, 31 ұялы телефон, сондай-ақ, 19 мыңнан аса қазақстандық және еуропалық sim карталар тәркіленген.
"Бұл нөмірлер алаяқтық қоңыраулар жасау үшін пайдаланылған. Заңсыз әрекеттері үшін Ресей Федерациясының төрт азаматы ұсталды", — деді ҚР ІІМ киберқылмысқа қарсы іс-қимыл департаменті бастығының орынбасары Аслан Өскембаев.
Қызықты жаңалықтар мен видеоларды көру үшін TikTok арнамызға жазылыңыз!
