Көрме Еуропаның музыкалық тарихына және оның қазіргі Қазақстанмен байланысына ерекше мүмкіндік береді.
Бұл туралы Caravan.kz медиа порталы хабарлайды.
2025 жылғы 21 қазанда сағат 19.00-де Қазақстан Республикасы мемлекеттік Орталық музейде Республика күнін мерекелеуге орайластырылған сирек кездесетін қияқты саз аспаптарының мемлекеттік коллекциясы алғашқы концерт-көрмесі өтті.
Іс-шара аясында XVII-XX ғасырлардың көрнекті итальяндық шеберлері Джузеппе Гварнери (Guarneri), Маттео Миноцци (Minocci), Санто Серафин (Santo Serafin), ЖанБаттиста Гваданини(G.B. Guadagnini), сияқты аспаптардың бірегей экспозициясы, сондай-ақ француз шеберлерінің Франсуа-Николя Вуарен Franchois-Nicolas Voirin, Ежен Сартори Eugène Sartory және неміс шебері Кнопф Knopfқияқтары ұсынылды. Бұл есімдер әлемдік скрипка шеберлігінің тарихындағы ең маңыздылардың қатарына кіреді. Ұсынылған аспаптардың әрқайсысы — тарихи жәдігер ғана емес, сондай-ақ қайталанбас дыбысқа ие өнер туындысы.
Бағдарламаның концерттік бөлігін «Астана Опера» мемлекеттік опера және балет театры мен Жамбыл атындағы Қазақ мемлекеттік филармониясының жетекші солистері, ҚР мәдениет қайраткерлері Бағдат Абильханов, Аида Аюпова сондай-ақ Күләш Байсейітова атындағы дарынды балаларға арналған мектептің симфониялық оркестрінің камералық құрамы орындады.
Көрермендер назарына қазіргі заманғы орындаушылық өнер шеберлерінің қолында керемет аспаптардың үні ұсынылды.
Бұл оқиға тарихи мұраны қазіргі заманғы орындаушылық өнермен біріктіре отырып, еліміздің мәдени өміріндегі маңызды кезең болады және Қазақстанның ұлттық және әлемдік мәдениетті сақтауға және дамытуға ұмтылысын көрсетеді.
