Анкарада Түркі әлемінің археологтары бас қосты. Алқалы жиынға Қазақстан, Қырғызстан, Өзбекстан, Мажарстан және Моңғолиядан келген ғалымдар қатысты. Олар Хаджеттепе университетінің антропологиялық, биологиялық және химиялық зертханасымен танысып, ортақ тарихты зерттеу бойынша өз ұсыныстарын білдірді.
Сондай-ақ әр елдегі қазба жұмыстарын бірлесе жүргізіп, сараптама мен зерттеуді кеңейтуге шақырды. Айта кетейін, өткен жылы Маңғыстау өңірінен табылған жәдігер осы университеттің зертханасына жолданды. Сараптама нәтижесі жыл соңында жарияланады. Ал құрылтай Түркияның Газиантеп қаласында жалғасады.+снх
Шаһин Мұстафаев, Түркі академиясының президенті:
- Түркі елдерінің өз зертханалық базасының жетіспеушілігі салдарынан археологиялық олжаларды біз Еуропадағы, Жапония, сондай-ақ Ресейдегі зертханаларға жолдап келдік. Ал бүгін біздің ғалымдар генетикалық сараптама жүргізетін әлемдегі ең озық зертхананың жұмысымен танысты. Мұндай сараптама әлемнің тек 5 елінде ғана жүргізіледі. Енді түркі елдеріндегі археологиялық институттар Түркияның осы алдыңғы қатарлы зертханасымен ынтымақтастық орнатады. Дәл осындай сараптамалық лаборатория қазір Қазақстандағы Назарбаев университетінде де салынып жатыр.
Ахан Оңғарұлы, Ә.Марғұлан атындағы арехология институтының бас директоры:
- Түрік академиясы тарапынан Қазақстанда үш жерде үлкен зерттеу жұмыстары жасалынған болатын. Бірінші, бұл – Жанкент, Қызылорда облысындағы оғыздардың астанасы ретінде өздеріңізге бұрыннан белгілі және де бір ерекше жұмыс Моңғолияда жасалып жатыр. Түрік әлемінің ең түп тамыры, тарихы басталатын жер — Моңғолия. Сондықтан біз қанша Орталық Азия мемлекеттері түрік әлемі болсақ та, Моңғолияны шеттен тысқары қалдыра алмаймыз.
