Аягөзде жылуға қатысты мәселе толық шешімін тапты.
Бұған дейін Ақтамберді көшесінің тұрғындары үйімізде жылу жоқ деп шағымданған. Осыған орай облыс орталығынан арнайы мамандар келіп, жылу жүйесінің гидравликалық режимін қалпына келтірді. Абай облысында жылу маусымы 1 қазанда басталған.
Қазір Аягөздегі жеті қазандық 515 нысанды жылытады. Оның ішінде 200-ден астам көпқабатты және жер үйлер, әлеуметтік және коммерциялық нысандар бар.
Кенжехан Жұмаділова, Аягөз қаласының тұрғыны:
- Үйіміз жылы,батареямыз ыстық. Күні бойы үйдеміз, біз пенсионерміз. Пенсионер болған соң үйдің жылуын жақсы көреміз. Үйіміз жылы, аяқ-қолымыз әйбат жылып тұрады. Балаларға рақмет, әкиматтың жылу жүйелерінің балаларына көп рақмет. Үйіміз өте жылы.
Мектептер мен балабақшалар да жылумен толық қамтамасыз етілді. Температуралық режим санитарлық талаптарға сәйкес келеді.
Жанар Сейітжапарова, балабақша меңгерушісі:
- Қазіргі уақытта балабақша штаттық режимде өз жұмысын жалғастырып отыр. Топ бөлмелері санитарлық нормаларға сай температуралық режим 21-24-25-ті көрсетіп тұр.
Үйлер мен әлеуметтік нысандардағы жылу беру процесі жергілікті әкімдіктің жіті бақылауында.
Данияр Шәкәрімов, Аягөз ауданының әкімі:
- Біздегі Ақтамберді көшесінде орналасқан 26, 28-үй және балабақша бойынша температуралары нормативке байланысты сақталуда. Бүгінгі ауа температурасы 5 градус. Үйлерге және балабақшаларға келіп тұрған, келіп тұр. Аягөз қаласында қазір жылу жүйесі толығымен штаттық режимде жұмыс істеп тұр.
Аягөзде жылыту маусымы ойдағыдай өтіп жатыр. Барлық әлеуметтік нысандар жылу бар. Мерзімінен бұрын анықталған техникалық ақауларға дер кезінде шара қолданылып, мәселе шешімін тапты. Қала тұрғындары жылу жүйесінің тұрақты жұмыс істеп тұрғанына риза.
Рүстем Қайратұлы, Мәди Базарбеков
