Төрехан Сабырхан Таиландтың Бангкок қаласында өтіп жатқан дәстүрлі халықаралық Thailand Open турнирінде екінші жекпе-жегін өткізді, — деп хабарлайды Massaget.kz тілшісі.
70 келіге дейінгі салмақта өткен 1/4 финалда қазақстандық боксшы филиппиндік Рональд Чавеспен жұдырықтасты және төрешілердің бірауыздан шығарылған шешімімен (5:0) жеңіске жетті.
Екінші раундта отандасымыз қарсыласын нокдаунға түсірді.
Осылайша Төрехан Сабырхан турнирдің жартылай финалына өтіп отыр және кем дегенде қола жүлдеге жетті.
Айта кетейік, Төрехан Сабырхан жасөспірімдер мен жастар арасында төрт мәрте Азия чемпионы атанған алғашқы боксшы ретінде тарихқа енді. Сондай-ақ, ол — жастар арасындағы әлем чемпионатының жеңімпазы.
Қызықты жаңалықтар мен видеоларды көру үшін TikTok арнамызға жазылыңыз!
