Қайрат Сатыбалдының ұлы Бауыржан Нұрсұлтанға тиесілі болған "Байсат" көтерме-бөлшек сауда орталығы" ЖШС үлесі сатылымға шығарылды, — деп хабарлайды Massaget.kz тілшісі.
Аукцион E-Qazyna порталында 18 қарашада Астана уақытымен сағат 10:00-де өтеді деп жоспарланған. "Байсат" базарының бастапқы бағасы — 28 миллиард 639,882 миллион теңге.
"Сатылымнан түскен қаражат Арнайы мемлекеттік қорға бағытталып, қоғам мүддесіндегі әлеуметтік маңызы бар жобаларға жұмсалады", – деп жазылған ақпаратта.
Еске салайық, 2024 жылғы қаңтарда Алматы прокуратурасы бұл үлесті мемлекетке қайтарды. Бұған дейін тергеу аясында Қайрат Сатыбалды "Байсат" базарының басым бөлігін ерікті түрде мемлекетке қайтарған болатын.
Қызықты жаңалықтар мен видеоларды көру үшін TikTok арнамызға жазылыңыз!
