Съезге келген шетелдік ұйымдардың өкілдері осылай дейді. Жаңа буын бейбітшілік құралы ретінде білім мен технологияны пайдалануға жол салды. "Бұл тұста жастарды қолдап, оларға дұрыс жол сілтеу керек", — дейді съезге қатысушылар.
Илья Кашицын, Мәскеу патриархаты Сыртқы шіркеулік байланыстары бөлімінің дінаралық мәселелер жөніндегі хатшысы:
- Былтырдан бері Жас дін көшбасшыларының форумы ұйымдастырылып келеді. Жастар болашақта тың технология арқылы әлемді түбегейлі өзгерте алады. Қазірден бастап олардың бейтбітшілік жолында диалог құру дағдылары қалыптасып келеді. Әрине, осы тұста біз олардың адасуына жол бермей, дұрыс жолды көрсетіп отыруымыз қажет.
Раван Гасанов, Халықаралық мультимәдениеттілік орталығының атқарушы директоры:
- Әзербайжандағы барлық жоғары оқу орнында мультимәдениеттілік курстары өтеді. Осылайша тек конференция арқылы емес, маңызды ақпарат бере отыра жастардың бойына толеранттылық қасиеттерін дарытуды жолға қойдық. Бұл бастаманы қазір 50-ден астам елмен жүзеге асырып отырмыз. Ал бүгінгі съез аясында өтетін Жас дін өкілдерінің форумы – үлкен маңызға ие.
