Әлемдік және дәстүрлі діндер көшбасшылары съезінің 2033 жылға дейінгі даму тұжырымдамасы әзірленді. Геосаяси шиеленіс ушыққан заманда құжаттың маңызы айрықша. VIII съездің ашылуында сөз алған Мемлекет басшысы осылай деді.
Себебі бейбітшілікті сақтау, тату-тәтті өмір сүру және баршаға ортақ адамгершілік құндылықтарын берік орнықтыру секілді мақсатты айқындап тұрғанын айтты. Ал, қорытынды декларация ресми құжат ретінде БҰҰ Бас Ассамблеяларында таралады. Бұл съезд жұмысына берілген жоғары баға әрі алдағы мерейтойлық 80-ші сессияда да аталған үрдіс жалғасарына үміттімін, – деді Қасым-Жомарт Тоқаев. Жер жүзінде сын-қатерлер көбейді. Халықаралық ахуал ушығып тұр. Осы ретте дін басшыларын гуманистік көзқарастарды ту еткен Бейбітшілік елшілері деп айтуға болады. Президент олардың ортақ мүдде үшін бірігіп, әлем жұртшылығын игі жолда жұмылдыруға ниетті екенін жоғары бағалады.
