Атырауда « Qazaqstan » акциясы аясында студент жастар мен өңірдің белсенді блогерлері кездесті.
Шара барысында әлеуметтік желілердегі жаңа трендтер, сапалы контент қалыптастыру жолдары, патриоттық құндылықтарды насихаттау және жастардың азаматтық белсенділігін арттыру мәселелері кеңінен талқыланды. Қазіргі таңда Атырау облысында 14 пен 35 жас аралығындағы 200 мыңнан астам жас бар. Оның 70 пайызы облыс орталығы - Атырау қаласында шоғырланған. Жыл басынан бері жастар ресурстық орталығы түрлі іс-шаралар арқылы 18 мыңнан астам жасты қамтыған. Кездесу жастарға жаңа мүмкіндіктерді таныстырып қана қоймай, блогерлер мен студенттердің тәжірибе алмасуына жол ашты. Мұндай басқосулар жас буынның ой-өрісін кеңейтіп, елдің дамуына үлес қосатын жаңа идеялардың тууына ықпал етеді.
Мәнсия Сағидоллаева, облыстық Жастар ресурстық орталығының басшысы:
- Біз курс арқылы 600 жасты қамтысақ, ең үлкен жобаларымыздың бірі — «Бас қосу» 2 күндік лагері бар. Қазіргі таңда «Тәуелсіздік ұрпақтары» гранттық жобасы бар. 1 млн-дық грантты «Жастар күніне» орай 1 млн-нан қайтарымсыз грант берген болатынбыз. Тамыз айының 20-нан бастап Атырау қаласының Жастар ресурстық орталығынан облыстық деңгейге ауыстық. Енді аудан, ауыл жастарына бағытталған жобаларымыз көбейеді деген ойдамыз.
