Премьер-Министрдің және Үкімет мүшелерінің қатысуымен «AMANAT» партиясы фракциясының кеңейтілген отырысы өтті.
Онда Президент Жолдаулары мен сайлауалды бағдарламасының жүзеге асырылу барысы туралы есеп тыңдалды. Мәжіліс Спикері, «AMANAT» партиясының Төрағасы Ерлан Қошанов әр Жолдау – ел дамуының стратегиялық бағытын айқындайтынын және азаматтардың ең өзекті сұрақтарына жүйелі жауап беретінін атап өтті. Олжас Бектенов Үкімет тарапынан атқарылған жұмыстарға тоқталды. Былтыр шетелдік капиталдың қатысуымен 1,3 млрд доллар сомасына 45 жоба пайдалануға берілді. Жыл басынан бері өнеркәсіп өндірісінің өсімі былтырға қарағанда 6,9%-ға артты. Биыл 20 мыңнан астам жұмыс орнын аша отырып, 1,5 трлн теңге сомасына 190 жаңа өңдеуші өнеркәсіп кәсіпорны іске қосылатыны айтылды. «Келешек мектептері» жобасы аясында 310 мың орындық 160 мектеп салынды. «Ауылда денсаулық сақтауды жаңғырту» ұлттық жобасы шеңберінде өңірлерде 540 медициналық нысан пайдалануға берілді. «Тарифті инвестицияға айырбастау» бағдарламасы аясында 2 жылда 12 мың шақырымнан астам инженерлік желі жөнделді. Ал,, биыл көлік саласында 13 мың шақырым жол жөндеу және салу жұмыстары қолға алынды. Жиынды қорытындылай келе, Мәжіліс Төрағасы Күрделі геосаяси жағдайға қарамастан, экономика өсімі қамтамасыз етілгенін барлық әлеуметтік міндеттемелер орындалып жатқанын жеткізді.
Ерлан Қошанов, ҚР Парламенті Мәжілісінің төрағасы, «AMANAT» партиясының төрағасы:
- Үкімет пен Парламенттің өзара үйлесімді жұмыс атқаруы – тиімді мемлекеттік саясаттың негізі. Өйткені бәріміздің мақсатымыз бір. Ол – еліміздің өркендеуі, халықтың тұрмыс сапасының жақсаруы. Бұл үшін Президенттің Сайлауалды бағдарламасы мен Жолдауларындағы тапсырмалары дер кезінде орындалуы тиіс. Ортақ мұрат жолында жұмыла әрекет еткенде ғана біз нақты нәтижелерге қол жеткізетініміз анық.
