Елордада «Келешек мектептері » жобасымен 7 білім ошағы ашылды
Бүгін Астанада 28 мың оқушыға арналған жеті мектеп ашылды. Барлығы ұлттық жоба «Келешек мектептері» аясында бой көтерген. Жаңа форматтағы білім ошақтары заманауи сыныптармен, зертханалармен және спорт залдарымен жабдықталған. Соның бірі елордадағы нөмірі 116-орта мектеп бүгін шәкірттерге есігін айқара ашып, алғашқы қоңырау соғылды.
Дәл осы қоңырау үні бүгін еліміздегі 8 мың мектепте соғылды. 360 мыңнан астам бүлдіршін мектеп табалдырығын аттады. Жалпы 4 миллион 100 мың оқушы үшін жаңа оқу жылы басталды. Президенттің бастамасымен жүзеге асырылып жатқан «Келешек мектептері» ұлттық жобасы аясында, тағы 217 жаңа форматтағы мектеп салынып жатыр. Бұл мемлекет тарапынан қабылданған көпжоспарлы шаралардың нәтижесі. «Келешек мектептерінің» де шамамен тең жартысы ауылдық жерлерде орналасқан. Бұл орта білім сапасын арттырып, ауыл мен қала мектептері арасындағы алшақтықты жоюға бағытталған жүйелі бастама дейді оқу-ағарту министрлігі.
Еділ Оспан, ҚР оқу-ағарту вице министрі:
Оқу жылының жаңашылдығы да осы «Келешек мектептерінің» басқару модельдер қолданысқа енгізіле бастады. Одан бөлек, биыл жасанды интеллекті білім беру процесіне енгізіледі. Ол үшін барлық педагогтар және 1-11 сыныптарға арналған арнайы оқу курстарын әзірледік.
Ернұр Медет
