Атырауда жұмысшы мамандықтар жылы аясында 2 мыңға жуық адамды қамтыған еңбек жәрмеңкесі өтті.
Өңірдегі 51 мекеме 487 жұмыс орынын ұсынды. Мұнай-газ химиясы саласындағы компаниялар инженер, механиктерге сұраныс жоғары екенін айтады. Жұмысшы мамандықтарды дәріптеп, жастарды жұмыспен қамту мақсатындағы іс-шара алдағы уақытта да жалғасады. Өйткені қазір жас мамандар қолына дипломын алып, жұмыс іздеуге кіріскен. Сондықтан оларды қолдау маңызды,-дейді ұйымдастырушылар.
Нұрберген Ойлыбай, қала тұрғыны:
- Өзім жалпы 2024 жылы Х.Домұхамедов атындағы Атырау университетін тәмәмдаған болатынмын «стандарттау, метрология және сертификаттау мамандығы» бойынша. Қазір жұмыссыз болуыма байланысты осында келіп отырған жайым бар. Өзіме әзірге 2 компания менің түйіндемемді алып қалған болатын. Хабарласамыз деді. Әзірге көреміз.
Абдолла Ідірісов, "Amanat" партиясы облыстық филиалының төрағасы:
- Мына 51 компанияның соңында есебін аламыз. Қанша резюме алды? Содан кейін сол резюме бойынша Мансап орталығымен бірлесе отырып, олардан осы алған резюмеден қанша жастарды жұмысқа алды? Соның есебін шығарып отырамыз. Алдағы уақытта да тұрақты ұйымдастырамыз деген жоспарымыз да бар.
