Республикалық жолдардың жағдайы 93%-ға жақсарды .
Президенттің Жолдауында көрсетілген міндеттер шеңберінде Үкімет көлік-логистикалық инфрақұрылымды дамыту бойынша жұмыс жүргізіп жатыр. Биыл 13 мың шақырым жол жөнделеді. Оның 7 мың шақырымында орташа жөндеу жұмыстары жүргізіліп жатыр. Көлік вице-министрі Мақсат Қалиақпаровтың айтуынша, цифрландыруға көп көңіл бөлініп, электронды билеттер, цифрлық диспетчерлеу, болжамды техникалық қызмет көрсету жүйелері енгізілуде. Жүк көліктердің салмағын қадағалау үшін 60 автоматты өлшеу стансасы орнатылды. Осы жылдың соңына дейін олардың саны 220-ға дейін жетеді.
