Астанада Орталық Азиядағы әлеуметтік кәсіпкерлерге арналған алғашқы хаб ашылды.
Ішінде коворкинг пен оқу орталығы, фото және бейне студия, түрлі қолөнер дүкендері мен этно-кафе бар. Бүгінде елде 1 мың 300-ден астам әлеуметтік кәсіпкерлік субъектісі тіркелсе, соның 255-і елордада жұмыс істеп тұр. Бұл жоба халықтың әлжуаз топтарын жұмыспен қамтуға ықпал етеді. Қазір аталған салаға мемлекет тарапынан түрлі қолдау көрсетіліп жатыр.
Қуаныш Сапаров, Астана қаласы Инвестициялар және кәсіпкерлікті дамыту басқармасы басшысының орынбасары:
- Астана қаласы бойынша жалпы 58 әлеуметтік кәсіпкерлікке мембюджеттен қайтарымсыз грант бөлінді. 28 кәсіпкерге Даму қаржылық қолдау қоры арқылы төмендетілген пайызбен несиелер берілді. Және 19 әлеуметтік кәсіпкерге әлеуметтік кәсіпкерлік корпорациясы атынан жеңілдетілген арендамен осындай жайлар беріліп отыр. Жалпы биыл әлеуметтік кәсіпкерлерді қаржылық қолдау үшін 50 әлеу.кәсіпкерге қайтарымсыз грант беруді жоспарлап отырмыз.
