АҚШ Ресейдің мұнайын сатып алып жатқан елдерге қарсы экономикалық қыспақты күшейтпек.
Құрама Штаттар Үндістанға алдыңғы баж салығына қосымша 25 пайыз тариф енгізді. Президент Трамп мұндай шара алдағы уақытта Қытайға қарсы қолданылуы мүмкін екенін ескертті. Вашингтон мұны Украинадағы қарулы қақтығыстарды тоқтату үшін жасап отырмыз, — дейді. Бейжің Ақ үй басшысының мәлімдемесіне қатысты бірден жауап қатты. Қытайдың АҚШ-тағы елшілігінің баспасөз хатшысы Лю Пэнъюй Ресеймен сауда байланысын үзбейтінін аңғартты. Оның айтуынша, Құрама Штаттардың Мәскеумен ара-қатынасты тоқтатуға мәжбүрлеуі қисынсыз.
