Жамбыл облысы Мойынқұм ауданында атыс шығарғандар ұсталды. Бұған дейін аудандық ауруханаға оқ жарақатымен төрт ер адам жеткізілген еді, — деп хабарлайды Massaget.kz тілшісі.
Облыстық Полиция департаменті мәліметінше, жедел іздестіру іс-шаралары барысында барлық күдікті ұсталған, олардың бәрі осы ауданның тұрғыны болып шықты.
"Күдіктілер уақытша ұстау изоляторына қамалды. Оқиғаның мән-жайын анықтау мақсатында соталды тергеу жүргізіліп жатыр. Тергеу барысы Жамбыл облысы Полиция департаменті басшылығының бақылауында", – деп жазылған ведомство хабарламасында.
Еске салайық, бұған дейін Жамбыл облысында атыс болып, төрт адам зардап шеккені хабарланды.
Кейінірек дәрігерлер Жамбыл облысы Мойынқұм ауданында оқ жарақатын алған төрт адамның жағдайы туралы айтты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
