Елордада заманауи технологияларда қолданылатын алғашқы отандық чип таныстырылды, деп хабарлайды 24kz.
Бұл чипті қазақстандық ғалымдар Қытай мамандарымен бірлесе жасап шықты. Яғни, өнім – Қытай университеттерімен әріптестік шеңберінде қабылданған «Бір студент – бір чип» бағдарламасының жемісі. Жоба авторлары чип Қазақстанның жаһандық жартылай өткізгіштер индустриясына енуіне жол ашып, жоғары технологиялық салаларды дамытуға тың мүмкіндіктер беретініне сенімді.
Сондай-ақ «Кремний жолы: қазіргі Қазақстандағы цифрлық жобалау саласындағы даму және білім беру» атты бұл форумда елдегі жартылай өткізгіштер өнеркәсібінің даму әлеуеті талқыланды. Маман даярлау мәселесі де назардан тыс қалған жоқ. Келешекте микросхемаларды цифрлық жобалау мен верификациялау саласы мамандарын оқытуға шетелдік маңдайалды компаниялардың қатысуын қамтамасыз ету керектігі де айтылды.
Нұрсұлтан Қабылқас, ғалым:
- Форумға қойған мақсатымыз – келген қонақтарға, индустриядан келген әріптестерге басқа университеттерден келген әріптестерге Қазақстанда миллиард доллар тұратын зауыттарды салуға мәжбүр емеспіз деген мақсат қойдық. Біз чипті 6 айдай жасадық. Жобасын дизайнын жасадық. Соның жарты, 3 айы әзірлеуге кетті. Басқа 3 айы верификацияға кетті. Функционалды тестілеуге кетті.
