Францияның оңтүстігінде орман өртімен күрес жалғасуда.
Лаулаған от Марсель қаласына жақын жердегі 250 гектар алқапты тып-типыл еткен. Қауіпсіздік мақсатында 150 тұрғын эвакуацияланды. Тілсіз жаумен мыңға жуық өрт сөндіруші күресіп жатыр. Отты дер кезінде сөндіруге сағатына 70 шақырым жылдамдықпен соққан жел кедергі келтірген. Синоптиктер алдағы күндері өңірде күн салқындап, жаңбыр жауып жағдай біртіндеп тұрақталады деп отыр.
Пьер Бельпуа, Францияның өрт сөндіру қызметі директорының орынбасары:
- Біз үшін ең бірінші кезекте адам өмірін сақтап, тұрғын үйлерге төнген қауіптің алдын алу маңызды. Өрт сөндірушілердің жылдам әрекет етуінің арқасында 150-ден астам үйді аман алып қалдық.
Испания, Ментрида
Испанияның Мадрид қаласы маңындағы орман өртін сөндіру жұмыстары жалғасып жатыр. Бұл жақта жалын 3 мың гектар жерді күлге айналдырған. Қазір өрт сөндірушілер жағдайды бақылауға алып, кей тұрғындар үйлеріне орала бастаған.
