Израиль Сириямен шекаралас Голан тауларында бетоннан қорған тұрғызып жатыр.
Бұл Сирияның Эс-Сувейда провинциясындағы жаңа қақтығысқа тұспа-тұс келіп отыр. Друздар мен бәдәуилер текетіресінен кейін Дамаск аймаққа әскерін қайтармақ болды. Сөйтіп тараптар АҚШ, Түркия және араб елдерінің арағайындығымен бітімге келді. Бірақ атысқа Израиль араласып, Сирия әскеріне әуе соққысын жасады. Бұған Израильдегі друздар өлімі туралы ақпарат себеп болған. Сирияның БАҚ-ы келтірген мәліметке қарағанда, Эс-Сувейдада атыс әлі тоқтаған жоқ, соның салдарынан жергілікті тұрғындар жан-жаққа босып кеткен. Израильдің әуе соққысынан шамамен 600-ден астам адам қаза тапты.
