Канаданың Торонто қаласын түтін басты.
Оған Манитоба провинциясындағы ормандардың отқа орануы себеп. Будақтаған көк түтін шаһарға жеткен. Табиғат апатынан аймақта 3,5 млн гектар жер жанып кетті. Бұл – ел тарихындағы өртке оранған алқаптың ауқымы бойынша екінші рекордтық көрсеткіш. Тілсіз жаудың тұтануына найзағайдың түсуі себеп болған. Ал аптап ыстық оның тез таралуына әсер еткен. Синоптиктердің айтуынша, аймақта сынап бағанасы 40 градустан түспей тұр. Билік тұрғындарды әзірге тысқа шықпауға шақырды.
