Жамбыл облысында фельдшердің жүрек тұсына оқ атқан күдікті іздестіріліп жатыр.
Бұл туралы журналист Гүлмира Әбіқай өзінің желідегі парақшасында жазды, деп хабарлайды Caravan.kz медиа порталы.
Гүлмира Әбіқайдың сөзіне сенсек, фельдшер мен күдікті арасындағы дау дефибриллятордан аппаратынан басталған.
«Жамбыл облысында фельдшерге қасарысқан жан оның вызовтан келуін күтіп тұрып, атып кеткен. Күдікті іздестіріліп жатыр, табылмапты. Оқ тиген фельдшер Жамбыл облысы, Байзақ ауданында 6 жылдан бері жұмыс істейді. Әйелі, 2 баласы бар. Оқ жүрек тұсына қадалыпты, дәрігерлер жедел ота жасап, оны кеудеден шығарды. Қазір бұл іспен полиция айналысуда. Негізі, ерегес дефибриллятордан шыққан деп жазыпты жергілікті басылымдар. Дефибриллятор дегеніміз, адам жүрек соғысын тоқтатқанда жан бітіру үшін тоқ арқылы іске қосатын медициналық құрылғы. Оның қалай жұмыс істейтінін сұраған азаматқа “өздігінен қолдану қауіпті екенін жеткізіп, қосып көрсетуден бас тартып” фельдшер вызовқа кеткен. Түнгі 3:30да қайтып келгенде әлгі адам қарсы алып, қақ жүрекке оқ атқан. Күдікті жергілікті 25 жасар жігіт дейді куәгерлер. Табылды ма, қамалды ма деп ақпарат іздесем бұл оқиға туралы Жамбыл облыстық полиция департаменті ләм-мим демепті. Тапанша тұрмақ 2 күн бұрын Алматыда арбадағы әкесін ұрған жетесіз ұл әлі іздестіріліп жатыр екен)
Видео Жамбыл облысының ең жүйрік журналисті Нуриддин Рақайдан алынды», — деп жазды ол.
Видеода фельдшерге шабуыл жасалған жерді облыстық денсаулық сақтау департаментінің басшылығы көріп жүргені айтылған.
Айта кету керек, аталмыш оқиғаға қатысты Жамбыл облыстық полиция департаменті ешқандай мәлімдеме жасаған жоқ.
