Ал елімізде «Таза Қазақстан» акциясы басталғалы полиция қызметкерлері белсенді азаматтармен бірлесіп, рейдтер өткізіп, заңсыз қоқыс тастау орындары мен қалдықтарды төгу фактілерін анықтап жатыр. Ішкі істер министрлігінің мәліметінше, 2 жарым мыңға жуық рұқсат етілмеген қоқыс үйіндісі анықталды. Оның 1 мың 256 –ы жойылды. 480 мыңнан астам құқықбұзушы жауапкершілікке тартылды. Жергілікті атқарушы органдарға құқықбұзуды жою туралы 1 500-ден астам ұсыныс жолданды. Айта кетейік, егер сіз де заң бұзушылық байқасаңыз, 102 немесе 109 қызметіне хабарлаңыз.
Ақниет Балтанова
