Қазақстанға жаздың соңына дейін 491 млн текше метр су жіберіледі. Бұл Қазақстан, Тәжікстан және Өзбекстан арасындағы келісім негізінде іске аспақ. Тараптар осы жылдың маусым-тамыз айларына арналған «Бахри-Точик» су қоймасының жұмыс режимі бойынша үшжақты кестені бекітті. Бұл туралы Су ресурстары және ирригация министрлігінің өкілдері хабарлады.
Нұрлан Алдамжаров, ҚР Су ресурстары және ирригация бірінші вице-министрі:
Маусым айынан тамыз айына дейін «Достық» каналы арқылы 491 млн текше метр су берілуі тиіс. Қазіргі уақытта су кестеге сәйкес беріліп жатыр. Осылайша вегетациялық кезең ішінде Қазақстан тарапынан трансшекаралық су ресурстарын пайдалану жөніндегі құқықтық мәселелерді реттеуге бағытталған барлық қажеті шаралар үкіметаралық келісімдер аясында қабылданды.
Темірлан Нұржанұлы
