Маусымның екінші жексенбісі – Малшылар күні болып белгіленген .
Үкімет басшысы Олжас Бектенов Мәжіліс депутаттарының сауалына орай, Қазақстанда "Тұлпар күні" арнайы мерекесін бекітуге қатысты жауап берді.
Премьер-министр бұл ретте Қазақстанда маусым айының екінші жексенбісі Малшылар күні ретінде кәсіби мереке болып белгіленгенін еске салып, оның мал шаруашылығы саласының барлық қызметкерлерін, оның ішінде жылқышыларды да қамтитынын алға тартты.
"Биыл осы мереке аясында саланың шамамен 200 қызметкері, оның ішінде жылқы шаруашылығының 30 маманы марапатталды. Сонымен қатар, Біріккен Ұлттар Ұйымы Бас Ассамблеясының шешіміне сәйкес 11 шілде күні ұйымға мүше мемлекеттерде Дүниежүзілік жылқы күні атап өтіледі. Осыған байланысты "Тұлпар күні" арнайы ұлттық мерекесін белгілеу мәселесі қосымша пысықталады", – деді Олжас Бектенов.
Үкімет басшысының жауабындағы деректерге сәйкес, Қазақстанда жылқы саны 4,4 млн басты (2024 жылдың қорытындысы бойынша мәлімет) құрайды. Бұл 1991 жылғы көрсеткіштен 2,5 есе көп.
Оқи отырыңыз:
Президент: Қазақстанда жылқы шаруашылығы институты құрылады
Мәжіліс депутаты мектеп бағдарламасына жылқыға қатысты арнайы модульді енгізуді ұсынды
