БҰҰ Қауіпсіздік кеңесі шұғыл бас қосты. Жиында Таяу Шығыстағы шиеленісті шешу жолдары қаралды.

Ұлыбритания АҚШ пен Израильдің әскери операциясына қатыспағанын мәлімдеді. Осыған дейін Иранның ядролық бағдарламасын сынап-мінеп келген Лондон қарудың күшімен мәселені реттеу мүмкін емес деп, тараптарды келіссөз бастауға шақырды. Бүгін Халықаралық атомдық энергия жөніндегі агенттік те кезектен тыс жиын өткізбек. МАГАТЭ басшысы Рафаэль Гросси Иранның соққыға ұшыраған ядролық нысандарынан ауаға радиация таралмағанын хабарлады. Оның айтуынша келтірілген залал көлемі әзірге белгісіз. Бірақ жақын маңдағы тұрғындардың өміріне қауіп төніп тұрған жоқ, — дейді ол.